【期匯決算】天然氣價跌至1.8美元才有支持

【Now財經台】美國天然氣價格昨日(7日)收市跌穿2美元，是去年3月以來首次，原因係今個冬天溫暖，削弱天然氣需求，加上頁岩氣鑽探商增產，令天然氣庫存遠超正常水平。天然氣價未來係咪會繼續喺低位浮沉？

獨立商品外匯分析師熊俊傑指，依家嘅天然氣庫存高過正常水平10%至12%，足以令歐洲唔會爆發天然氣危機，美國情況都差唔多，庫存較去年多3%，5年平均亦多5%，因此，未來嘅天然氣需求唔大。Ken估計，天然氣價仍有下行壓力，要落到1.8美元水平先搵到支持。