【FINTERVIEW】「國家隊」農曆年後再救市？

【Now財經台】中央匯金公司宣布加碼入市，帶動港股、A股昨日(6日)應聲飆升，恒生指數市飆逾600點，重上16000點關口，並錄得半年以來最大單日升幅，上證綜合指數亦大升逾3%。

不過，「國家隊」去年10月底托市時，A股5連升後無以為繼。臻享顧問董事總經理王良享指出，MSCI中國指數由2021年高位累跌逾60%，已逼近以往金融危機時嘅跌幅。

佢又指，依家中央救市手段以口頭干預為主，市場更關注「國家隊」實際入市金額，係咪比得上2015年A股股災期間證金公司嘅救市規模，當年除咗向券商提供達2600億人仔信用額度，又動用2000億人仔托市。

Tommy又指，近排好多衍生工具到期對A股造成沽壓，例如南韓嘅恒生國企指數嘅股票掛鈎證券(ELS)、中國嘅雪球產品。佢認為，中央唔希望短暫技術性壓力，令投資者對A股失去信心，相信中央仍有意入市。