【FINTERVIEW】大選年美股有聯儲局幫手護盤

【Now財經台】中東局勢升溫，紅海航道緊張，對油價及美國通脹未來走向係咪都有關鍵影響？地緣政治因素係咪唔可以低估？

富邦銀行(香港)投資策略及研究部主管潘國光指，中東及紅海局勢緊張令大部分航道都行唔通，對運費及時間都有好大影響，因為會令送貨期延遲及成本上升，呢啲影響都會滲入未來嘅通脹數字，其中又以歐洲受最大影響，對地中海一帶區域嘅潛在壓力比美國更大，但估計通脹壓力要至第4季先會浮現，因此，油價現時仍十分冷靜，企穩每桶70美元水平，雖然油價暫時未受影響，但會反映喺航運費用上。

美國息口方面，潘國光話，聯儲局要確保今年美國經濟「軟著陸」，令經濟穩定增長及股市向好，佢認為，投資者唔使太擔心美股今年走勢，因為聯儲局會幫手護盤，確保執政黨選情向好，但由於地緣政治嘅影響會持續至第4季，所以聯儲局會有壓力提早喺5月減息。