【FINTERVIEW】唔等「兩會」？內地農曆年後出招谷經濟

【Now財經台】內地上周出咗去年國內生產總值(GDP)等重磅經濟數據後，仍未見推出任何重大貨幣政策或財政政策谷經濟，市場愈等得耐就愈冇信心，係咪要等到農曆年假期後，甚至3月召開嘅「兩會」先會有好消息？

資深經濟學家林樵基表示，相信農曆新年後會逐步有動作，未必要等到「兩會」，因為「兩會」前一般會有明確嘅政策出台，又或者會有人放風，逐步提升市場信心。佢又指，由於臨近農曆新年，就算有政策出台都未必可以即時執行，相信中央會先做好維穏工作，令市場有足夠流動性，令市場年結前比較平穩。

林樵基續指，內地暫時未見出現資金緊絀情況，因為一直有中期資金投入市場，短錢亦相當充裕。