【名家給力場】美匯指數抽升的啟示(下)

【Now財經台】內幕人士傾向造淡、沽貨多，但睇返美股市況，投資者風險胃納似乎仲未反映呢個情況，據美銀證券嘅基金經理調查顯示，基金經理嘅樂觀情緒係兩年以來最高，到底點解會有咁大落差？美匯指數升見103水平，除咗因為聯儲局官員「放鷹」，會唔會係受惠於避險資金？

「股市漁夫」創辦人莊志雄指，當市場太差時唔好太悲觀，市場太樂觀時就唔好追。目前，貪婪與恐懼指數(Fear & Greed Index)見頂回落，市寬亦係見頂回落，呢個時候內幕人士會選擇減持自己公司股票take profit，佢建議散戶參考呢啲了解自己公司運作嘅人士去做。

Lewis又指，其實上季已提出見到一個好奇怪現象，美匯指數喺咁多人唱減息嘅情況下，都未有跌穿去年7月低位，依家反而抽返上嚟，呢個情況就要留意低位，即預期會發生嘅事冇發生，亦喺低位上升回調0.5嗰個位，依家係上升中。

如果睇返歐元，部分歐元trader指，話依家係一個頭肩頂，有機會跌到0.98水平，如果歐元真係見頂回落，美匯指數可能抽升差不多10%，股市調整壓力會好大。