【名家給力場】iPhone 15滯銷 Apple光環褪色？(上)

【Now財經台】雖然市場成日話「科技七雄」(Magnificent Seven)喺2023年撐住美股，但其實只得5雄撐住，蘋果公司(Apple)及Tesla冇份撐市，其中，Apple近日都開始被睇淡，先後被大行及券商降評級，主要係唔睇好iPhone未來銷情，其實早喺半年前，呢個情況係咪已率先反映喺股價上？

「股市漁夫」創辦人莊志雄指，雖然2023年第4季Apple仍然喺中國手機市場排第1位，但同比增長跌咗10%，由於中國市場利潤貢獻好大，相信未來每股盈利預測都要下調，不過，市場都流行先下調盈利預測，等數據出爐後就變成「勝預期」，但事實上睇到基本因素係轉差咗，尤其喺重要市場嘅市佔率正在下降。

Lewis又話，留意到冇乜人想換iPhone 15，睇返中國網站，見到第1個星期嘅銷售較2023年同期大跌30%，而喺拼多多平台即使iPhone 15或15 plus都要減價近20%。