【名家給力場】陳建良：明年美國經濟難軟着陸(上)

【Now財經台】市場預料美國明年會率先減息，美元轉弱將令通脹持續回落難度增加，美國經濟軟著陸係咪言之尚早？美股又可唔可以繼續強勢？

勝利瑞柏基金管理合伙人暨投資總監陳建良話，好多投資者睇美國經濟同美股指數掛鈎，但其實兩者無咩關係。美國市民嘅生活環境，包括積蓄、中小企破產數字、信用卡違約等數字都一直升緊，最終都會影響美國經濟轉差。佢相信即使好巨型嘅科企，都好難完全「離地」、同美國經濟完全無關，又話美國科企係服務全球，面對歐洲反壟斷嘅懲罰等，都會令企業喺未來一年嘅盈利無想象中咁高。

佢又提到，今年咁多投資者追入科技股，係因為好多人認為科企嘅財政狀況甚至比美國政府好，但應該考慮估值係咪值得。整體上佢認為2024年美國經濟唔容易軟著陸，亦唔睇好美股表現。