【專家分析】用現金抽K Cash有得諗

【Now財經台】今日(27日)有4隻首批使用新結算平台FINI嘅新股首日招股，其中，K Cash(02483)會較多人認識，招股價介乎1.64至1.96元，每手入場費近3960元，每股資產淨值1.65至1.72元，對比招股價，市帳率(PB)約0.99至1.1倍，K Cash抽唔抽得過？

博威環球證券金融首席分析師聶振邦認為，一般首次公開招股(IPO)嘅新股PB一般都有2倍或以上，截至今年5月止，K Cash資產淨值6.4億元，上市前唯一大股東康業金融科技持有3.75億股，每股資產淨值1.72元，對應招股價有約1倍PB，屬相對合理水平，對比普遍2倍以上PB嘅新股，定價有一定競爭力。

至於K Cash抽唔抽得過，聶Sir就認為，呢隻股份PB吸引，雖然最近市況麻麻，但投資者仍可考慮用現金抽，加上中線投資價值吸引，亦係少見嘅港資科技公司，配合一定盈利基礎，反映基本面唔錯。不過，投資者亦可以等上市後再考慮，因為...