【財經TOP SEARCH】美團買foodpanda東南亞業務效益要睇...

【Now財經台】截至早上11時止，1小時內《彭博》用戶關注度上升最多港股，依次為阿里巴巴(01688)、美團(03690)、騰訊控股(00700)、友邦保險(01299)、比亞迪股份(01211)。

美團除逐步擴大本港服務範圍外，亦希望拓展國際市場，最新傳出集團想收購foodpanda東南亞業務，但睇返foodpanda母公司Delivery Hero中期業唔係太好，究竟呢個收購計劃係咪利好美團？

大華繼顯執行董事梁偉源指，美團曾經喺疫情下錄得爆發性增長，但隨著疫情過去，業務開始出現壓力，股價經常下試110元水平，令市場擔心未來業務增長情況，由於美團主業係外賣平台，需要靠「量」才可增加收入及盈利，由於其他中小型競爭對手靠減價搶市佔率，所以美團都要考慮借併購開拓其他市場。

收購foodpanda東南亞業務係咪利好美團，Steven認為，要視乎集團出價，因為Delivery Hero增長唔理想，但如果美團可以低價收購foodpanda東南亞業務，係一個唔錯嘅策略。