【專家分析】今起減印花稅仍難撐起港股

【Now財經台】港股周三(15日)勁彈逾600點後，噚日(16日)回套逾200點，反映市場始終對後市冇信心，加上阿里巴巴(09988)噚晚出季績外，亦傳嚟多個負面消息，包括放棄分拆雲智能、叫停盒馬IPO、創辦人馬雲家族信託擬減持公司股份，雖然今日(17日)就正式減股票印花稅，但係咪都好難撐返起港股？

博威環球證券金融首席分析師聶振邦估計，港股今日勢受壓，因為噚日大型科技股都開始回套，加上咁多負面消息，阿里美股噚晚重挫逾9%，阿里港股今日肯定要跌，因此，就算恒生指數今日守得住50天線，若成交少過900億元，恒指應會下試17500點。

聶Sir又話，後市可留意內地會唔會再出招刺激經濟，例如減息或降準等，可能會對港股幫助較大，不過，減印花稅消息早已消化咗，所以對港股今日表現唔會有幫助。