【財經TOP SEARCH】中央掟萬億撐樓市有幾大成效？

【Now財經台】截至早上11時止，1小時內《彭博》用戶關注度上升最多港股，依次為騰訊控股(00700) 、融創中國(01918)、碧桂園(02007)、美團(03690)、萬科企業(02202)。

市傳中央有萬億措施撐樓市，擬透過「3大工程」穩住樓市，但唔係直接泵水畀內房還債，萬億穩樓市措施對內房幫助有幾大？

資深證券分析師彭偉新指，一定對經濟有效用，亦會產生連鎖反應，而呢1萬億嘅投放時機亦非常重要，因大部分內房手頭資金只夠1至2年營運，加上內房不景氣情況持續，若資金到位時間慢，對內房幫助唔大，甚至未必撐得住。

至於措施會唔會幫到民企，Castor就話，要視乎有冇足夠資金，即使人行投放萬億資金做基建，都會要求相關企業有足夠資金支付原材料費，估計銀行肯借錢畀陷入財困嘅民企機會唔大，因此，可能只有個別民企可以參與。