【FINTERVIEW】內地零售未確認復甦？

【Now財經台】內地10月經濟數據今朝出爐，零售及工業生產分別增長7.6%及4.6%，兩個數據都好過預期，但1至10月全國固定資產投資及房地產投資都差過預期，前者僅增長2.9%，後者更跌9.3%。零售表現好過預期，其中一個原因係受惠於黃金周，年底嘅零售數據又樂唔樂觀？

資深經濟學家林樵基指，內地居民經歷疫情後，消費模式已經改變，由於有唔同嘅消費節日，例如「雙11」購物節等，內地居民唔一定再喺假期消費，因此，錄得高單位數升幅已比預期理想，佢又話，最重要係出現一個上升趨勢，先可以確認到零售正逐步復甦。

至於年底嘅零售表現，林樵基估計，仍會錄得單位數增長，因為整體經濟環境復甦速度較慢，加上有唔少不明朗因素，所以內地居民都未必會大力消費。