【期匯決算】趁現價「吸金」博金價年內繼續升

【Now財經台】聯儲局議息會議後，現貨金價曾短暫跌穿每盎司1970美元，但好快反彈至1980美元。金價年底通常向好，今年係咪都有望繼續升？

獨立外匯商品分析師熊俊傑認為，加息周期完結嘅憧憬為金價後市沖喜，無論聽日(3日)美國公布嘅多項經濟數據如何，料無阻金價向上。

Ken指出，金價最近由1920美元下跌約100美元後，已經震走唔少好倉，相信以巴衝突燃起嘅避險情緒，會令金價面對較小阻力，預期未來兩個月或再次上試2040美元以上。

佢又指，金價目前貼近9天平均線，即1978美元，建議投資者趁現價，以及下方21天平均線，即1958美元水平分段吸納。