【FINTERVIEW】長債息回落利好年底美股

【Now財經台】美國聯儲局一如預期連續兩次議息會議維持息率不變，有分析認為，主席鮑威爾會後講話取態偏鴿，甚至話佢暗示加息周期已見頂。

富邦銀行(香港)投資策略及研究部主管潘國光指，會後利率期貨反映市場預期，美國將於明年上半年減息，但佢預料要等到第3季先有機會減，認為聯儲局或需要6至9個月觀察數據，嚟評估經濟係咪開始下行，例如非農就業數據係咪連續3個月低於10萬人，或者核心通脹回落至2.5%以下。

Vicks又認為，美國科技股將受惠美債息回落，並指美股以往由10月中起就會出現季節效應利好，目前以巴衝突帶來嘅戰爭溢價(war premium)減弱，加上企業業績期後可以恢復回購，只要今年內企業盈利冇顯著轉差，標指年底前有望升至4400點水平。