【FINTERVIEW】趁Fed議息前造短期定存？

【Now財經台】10月快到尾聲，月初至上個交易日，恒生指數跌約2%，更一度跌穿17000點，究竟過咗「股災月」後，11月港股係咪會見底？

東亞銀行財富管理處投資策略師陳偉聰認為，上月內地經濟數據明顯好轉，加上上周北向資金終於扭轉連續10周淨流出嘅形勢，意味外資沽貨離場對A股及港股嘅壓力有所減弱，而恒指預估市盈率(Forward PE)僅8倍，預期即使下個月港股再次失守17000點關口，下行空間有限。

Jason又指，如果只係想避險，相比高息股普遍有6至7厘嘅股息率，目前短期或1個月定存利率都做到約5厘，造短期定存嘅回報確實比較吸引。

不過，佢提醒，造定存前要考慮埋美國聯儲局11月1日(周三)同12月議息嘅影響，若官員釋出息率有可能見頂嘅訊號，造太長年期嘅定存反而會錯失股市反彈嘅獲利機會。