【名家給力場】美國明年最多減息0.5厘？

【Now財經台】美國聯儲局維持利率不變，其實市場已經預咗，所以焦點落喺「點陣圖」，最新顯示今年仍會再加息1次，而市場較為關注議息聲明措辭，同埋主席鮑威爾嘅言論，因為希望從中判斷美國今個加息周期係咪結束，鮑威爾話，已準備好再度加息，係咪意味未來兩次會議中，最少會加息1次？應該點解讀佢嘅言論？

臻享顧問董事總經理王良享認為，鮑威爾嘅言論偏鷹，議息聲明強調，現時美國經濟超級強勁(solid)，雖然就業數據轉弱，但過去3個月，平均增加15萬個新職位，增長仍算強勁(remain strong)，不過，Tommy認為，呢個數字只係僅僅合格。佢估計，明年減息幅度將會縮窄至0.5厘，再一次引證鮑威爾所講「高利率會維持更長時間」(Higher for Longer)。