【專家分析】基金愛股新奧僅超跌後反彈?
【分析】 2023/09/19 17:51
![](/CMS_images/NewsImageBig/FIN-BNC-INTERVIEW-230919-1415.jpg)
【Now財經台】內地8月工業增加值增速回升,若分開業睇,石油及天然氣開採業顯著加快,係咪預示價格再跌空間有限?
華盛證券經紀部董事李偉傑指,價格變動嘅關注點係需求,而內地工業生產可唔可以繼續有唔錯嘅增長,亦係關注重點之一,天然氣係貴買貴賣,若價格過高會阻礙使用,未來要睇天然氣使用率,會唔會借經濟反彈而回升。
股份方面,藍籌新奧能源(02688)本身係基金愛股,雖然股價已低位反彈,但有排都未補返業績後嘅下跌裂口,近日嘅反彈係咪市場憧憬8月數據企穩,售氣量及毛利表現好過上半年?
Jason認為,暫時會視新奧係超跌後反彈,始終業績表現同市場預期有較大落差,而集團對下半年業績展望亦比較審慎及保守,新奧借主要股東增持消息抽穿10天線,短期反彈目標係20天線,即63.4元水平,若未來有大成交出現突破,先有機會補到裂口。
![]() | 李偉傑 華盛證券財富管理部董事 |