【槓桿致勝】博騰訊好倉睇實呢個位

【Now財經台】騰訊控股(00700)大股東Prosus及其母公司Naspers行政總裁請辭，騰訊股價暫時已連跌6日，今朝一度退守上個低位，即306元水平。不過，資金連續4日流入好倉，5日合共有2300萬元坐貨，係資金流入第2大個股，但亦係資金流出最多嘅個股，5日合計，淡倉有790萬元資金離場，投資者似乎都係以睇好為主？

中薇證券研究部執行董事黃偉豪指，單睇好淡倉資金流，投資者仍傾向部署騰訊好倉，但以額度計，規模就相對較小，反映市況比較淡靜，亦意味騰訊走勢暫時仍然反覆。如果睇返正股走勢，雖然股價逼近5月底低位，即306元，但對比其他科技股，騰訊仍然較硬淨。

Ravi續指，想博騰訊好倉仍有得諗，始終股價比較硬淨，但要留意，一旦股價跌穿306元，可能要考慮先行離場。