【期匯決算】留意美匯指數守唔守到104

【Now財經台】美國通脹數據出爐後，據最新利率期貨顯示，市場預期，聯儲局下周暫停加息嘅機會升至97%，美元短線係咪會轉弱？不過，11月及12月加唔加嘅機會暫時仍然係一半一半，美元後市係咪仍然未有明確方向？

亨達集團助理總經理羅明立指，美匯指數近期由105跌至104邊緣，聯儲局下周議息好大機會按兵不動，關鍵反而係美國利喺11月及12月會點走，油價近期回升咗唔少，短線仍有條件再升多少少，有機會推高美國通脹，事實上，美國整體通脹已連續兩月回升，因此，唔排除年底前聯儲局會再加息，佢認為暫時仍有優勢，留意美匯指數守唔守得住104水平。