【FINTERVIEW】內地今年唔會再出現通縮？

【Now財經台】國家統計局上周六(9日)公布，8月內地居民消費價格指數(CPI)按年升0.1%，按月則升0.3%。

資深經濟學家林樵基認為，其實內地8月可擺脫通縮唔算有驚喜，只係同去年同期比較嘅基數效應，反映喺好多分項價格上，令整體CPI略為回升，事實上，內地整體經濟需求仍然疲弱，暫時睇嚟消費價格較難上升，不過，由於9月至10月有中秋節及「十一黃金周」，相信經濟及需求會略為回暖，對消費價格有正面影響。

Banny續指，受節慶消費需求帶動，內地今年餘下4個月嘅CPI，可望維持喺零或以上，更直指內地唔再出現通縮已經好理想。