【專家分析】美股「9月魔咒」勢應驗

【Now財經台】傳統上，美股有個「9月魔咒」，表現都會比較差，睇返過去5年，道指3跌兩升，其中2022年大跌近9%，今個9月暫時都要跌，今年會唔會再應驗「9月魔咒」？

潤淼資產管理董事盧志威認為，今年好大機會應驗，撞正美股過去幾個月都升得幾誇張，好多之前部署咗嘅淡倉都被夾爆，不論睇歷史數據或短期技術走勢，指數向下嘅機會較大，其實睇返整體大市都係處於一個調整階段，但估計調整幅度唔會太大，因為呢個係技術調整，而美股基本面又冇出現太大轉變。