【FINTERVIEW】恒指中線目標降至20700

【Now財經台】大市今日繼續跌，恒生指數預測市盈率(PE)接近9倍，市帳率(PB)就唔夠1倍。《彭博》統計，約一半藍籌的14天RSI，已落到30樓下嘅超賣水平。恒指8月暫時跌約11%，係去年10月以來最大跌幅，恒指後市走勢會點？

東亞銀行投資策略師陳偉聰表示，最近一周已將未來一年恒指目標價，降至20700點。相比起新冠疫情時期，佢認為依家恒指PB同PE其實唔算低，有可能修正返小小再反彈。技術層面RSI方面，佢就指，雖然睇日線圖係去到20幾的超賣水平，但週線圖顯示仲係34水平附近，未去到好嚴重超賣嘅地步。