【期匯決算】人仔擺脫弱勢要先收復...

【Now財經台】人仔近排非常弱勢，離岸人仔今日中午前曾失守7.1水平，跌至近半年低位，喺內地經濟復甦不確定性增加下，人仔係咪有機會跌至去年10月底嘅低位？

資深外匯分析師陳欣認為，人仔弱勢主要係美元走勢較强，加上內地經濟數據表現唔突出，某程度上甚至令人失望，令經濟復甦預期不及之前理想，導致人仔持續弱勢。美元方面，佢話加息預期再升溫，令美元走强，令中美利差持續擴闊，人仔優勢自然減少，如果人仔上唔返7.1水平，唔排除會持續弱勢。