【專家分析】債限協議過眾院一關冇難度

【Now財經台】美國總統拜登噚日宣布，已經同眾議院議長麥卡錫就債務上限達成最終協議，預期眾議院聽日會進行表決，拜登及麥卡錫都話有信心國會會通過協議，美股噚晚假期休市，如果睇返金融市場整體市況，協議成功過關嘅機會係咪都好大？

高富金融集團投資總監梁偉民認為，如果睇返市場反應，協議好大機會通過，因為不論股市、債市或匯市都相對平靜，背後原因係市場認為民主共和兩黨最終都可以傾掂數，喺死線之前及時通過議案，避免美國出現歷史性違約。

Wyman又話，其實呢個情況同市場預期一樣，因為根據過往經驗都會喺最後一刻達成協議，所以對股市影響有限。