【期匯決算】金價跌到呢個位可博反彈

【Now財經台】美國債務上限談判僵局仲未有突破，但睇返2011年，當年債務上限談判都係最後一刻先傾掂數，雖然當年股市大跌，但金價急升，依家美元升勢較弱，係咪因爲談判仍未到「死線」，避險情緒仍未升溫？

艾德金融董事熊俊傑指，由於市場對美國債務上限談判，可以喺死線前傾掂數仍然樂觀，因此，買黃金避險嘅需求未去到好高水平。Ken估計，金價短期仍有沽壓，若回落至每盎司1920至1930美元水平應有支持，到時投資者就可以考慮博反彈。