【財經TOP SEARCH】賭股又「受驚」冚旗？

【Now財經台】截至早上11時止，1小時內《彭博》用戶關注度上升最多港股，依次為金沙中國(01928)，銀河娛樂(00027)，騰訊控股(00700)，國泰航空(00293)及美團(03690)。

賭股今日普遍要跌，會唔會同國務院港澳辦主任夏寶龍出訪澳門有關？因為夏寶龍提及要加強博彩業依法管理，係咪因為聽到「監管」呢啲字眼，觸動咗投資者神經？

獨立股評人譚智樂指，政策嘅短線調整唔使太擔心，但如果整個行業復甦動力持續轉弱，股價調整壓力就會大啲，不過，暫時未有迹象顯示5月賭收會變得好差，而賭股暫時仲係處於大型上落格局。