【專家分析】上落市買貨可以吼呢類股

【Now財經台】美國債務上限談判僵局仍未解決，共和黨話只係有少許進展，國際貨幣基金組織(IMF)亦出聲，指債務上限問題唔需要等到最後一刻先解決，港股噚日一度急瀉逾300點，收市仍要跌200幾點，港股今個星期焦點仍落喺科網股季績，港股後市會點走？

潤淼資產管理董事盧志威估計，港股後市會平穩發展，雖然間中仍要跌，但基本上睇唔到有足以令港股大冧嘅大事件，依家港股同過去幾年嘅A股一樣，處於一個大型上落市嘅階段。

佢又話，喺指數冇乜睇頭下，建議投資者炒個股時，可以吼一啲有突圍本錢嘅股份先買貨，否則，佢建議部署整體倉位時都係傾向保守啲會較穩妥。