【期匯決算】日圓短線隨時要再下跌？

【Now財經台】美匯指數變動不大，守在103水平，非美貨幣普遍牛皮偏軟，以日圓跌得較多，仲見埋近半年低位，今朝日本公布咗5月製造業活動數據，係七個月以來首次擴張，服務業增速創紀錄。另外，上個財年經通脹調整後工資下跌1.8%，創八年來最大跌幅。日本央行繼續按兵不動，日圓短線走勢係咪都被外圍因素牽住走？

資深外匯分析師陳欣指，日圓短線走勢都幾受美元影響，美元相對較強之下，對日圓壓力都大。另一方面，日本近期經濟數據好轉，對日圓而言可以話係一個支持，但屬長線因素居多。短線而言，日本央行繼續行超寬鬆貨幣政策，對日圓都造成壓力。之前日圓喺138兌一美元水平，日央行有出手，但今次日圓去到140水平，央行可能都未必出手，估計匯率短線會進一步下跌，但如果在140位置撐得住，或者都有條件反彈。