資料報價延遲十五分鐘
【Now財經台】快手(01024)上日收市後公布季績，多間券商都話業績好過預期，亦有最多40億股份回購計劃，不過，股價高位企唔穩，升幅收窄，係咪都係好消息出貨？後市部署係咪睇幾時入藍籌？
華盛證券經紀部董事李偉傑指，快手入藍籌係市場期待咗好耐嘅事，但快手經調整後溢利今次先係第一次正數，預期要再多一至兩個季度先有機會「染藍」。
李偉傑指出，快手高位有沽壓未必係投資者高位食糊，若股份收復今日裂口54元，股價有望企穩，中長線可以睇100天線，即約59至60元。
