【槓桿致勝】快手短線睇…

【Now財經台】快手(01024)首季虧損收窄，較預期好，更計劃回購最多40億元股份，股價今早高開3%，一度升逾6%，市場似乎都收貨，快手向上空間仲有幾大？股份升咗咁多上嚟，係咪已經冇咁值博？

中薇證券研究部執行董事黃偉豪指，怏手已經升咗「兩棍」，依家值博率一定唔算非常高，但業績後先入手風險較低。快手對上兩年都要虧損，今次成功扭虧，對估值帶嚟正面刺激，所以股價最近彈返係正常。快手股價迫近約100天、250天平均線位置，大約60元會見阻力，短線可部署60元作目標價。