【名家給力場】人民幣「破7」憂慮解除令港股反彈？

【Now財經台】恒指今日輕微高開，10點後走勢好轉，半日重上250天牛熊線，去到19600至19700水平，係咪同內外都有利好消息帶動有關?

《香港股票財技密碼》作者梁杰文話，上星期人民幣突然貶值，引起美元兌人民幣匯率「破7」憂慮，但周末人行為人民幣發聲，人民幣匯價因此回穩，至於港匯最近比較強勢，其中一個原因係聯儲局6月份議息會議大機會暫停加息。佢認為整體市況都係麻麻，雖然人民幣匯價引起的短暫恐慌情緒消除，令港股反彈，但恒指都係浮浮沉沉，在250天線上下波動，成交偏低下相信短期未必走得出一個方向。

至於證監會上周五發布，有關《公司收購、合併及股份回購守則》嘅建議修訂諮詢交件擴大咗近親定義範圍，Mike話依個比較闊嘅定義範圍本身已經係證監會慣常做法，修訂之後要更加小心近親有冇持股。