【名家給力場】港股上落市格局點部署？(上)

【Now財經台】恒指呢排都係日升日跌，上日彈完今日又跌過，截至中午，恒指全周跌88點，前幾日科指升，尋日就由中特估同金特估接力，點睇恒指上落市格局同之後走勢？

勝利瑞柏基金管理合伙人暨投資總監陳建良指，整體市況去到6月中較波動，由舊年年尾大家都好恐慌，到今年首季大家都好亢奮，過咗兩個極端情緒之後，嚟到依家成交數就會相對膠著。KL又話，依家個市橫行咗一段時間之後，會出現幾次假突破，之後就會出現真突破。佢預計，真突破出現嘅時候，個市會向下跌穿18000點。