【FINTERVIEW】美銀行業再出大事機會微？

【Now財經台】美國銀行業爆發危機以來，依家存款情況已經回穩，地區性銀行PacWest指，3月下半個月嘅存款已穩定返，而4月較首季尾更錄得增長。不過，據《彭博》報道，陷入流動性危機嘅美國地區銀行第一共和銀行(First Republic Bank，FRC)，擬變賣最多1000億美元資產，拖累股價噚晚暴瀉49%，點評估FRC嘅問題蔓延程度？

招銀國際證券股票部執行董事蘇沛豐指，今次美國銀行業爆發危機，由於美國財政部及聯儲局快速出手應對，令存戶有返信心，冇出現擠提嘅情況。

不過，佢話唔排除仲有美國中小型銀行出現倒閉危機，但相信銀行再出現大型系統性風險機會唔大，主要令貸款審批更嚴格，同埋影響整體信貸供應。