【專家分析】LVMH抵買過Tesla？

【Now財經台】奢侈品龍頭LVMH集團成為首間市值超過5000億美元嘅歐洲公司，有外電將佢同唔少美股投資者嘅「信仰」Tesla比較，Tesla市盈率(PE)由去年逾百倍回落至約47倍，近排股價弱勢，1個月內跌15%，相反LVMH嘅美國預託證券(ADR)就升近12%。

高富金融集團投資總監梁偉民表示，近年新興市場嘅中等收入人口大幅上升，相信今年奢侈品市場銷售繼續理想，LVMH旗下多個品牌可以吸納到更多新客戶，不過唔建議現水平高追，可以等股價回調5至10%再買。

至於Tesla，Wyman指，公司嘅毛利短期會因為電動車市場嘅價格戰而繼續受壓，認為可以PE跌至30倍水平先考慮。