【專家分析】美加息潮屆尾聲

【Now財經台】美國消費物價指數(CPI)今晚出爐，據《彭博》估計，美國3月CPI按年將會由6%回落至5.1%，但核心CPI會升至5.6%。市場依家仲係睇實CPI走勢，去評估聯儲局政策係「鷹」定「鴿」，然後再反映喺股市，到底美國3月CPI會唔會進一步降溫？　

潤淼資產管理董事盧志威指，睇返美國CPI嘅走勢，相信係呈回落趨勢，估計3月CPI同市場預期差唔多，唔會偏離太多，市場關注CPI數據其實唔係睇幾時會減息，而係加息步伐幾時開始放慢，甚至利率見頂，其實市場都估計美息好快見頂，只要CPI持續降溫，相信就唔會出大問題。

William又話，美國之前爆發銀行危機，雖然只係涉及中型銀行，但都畀咗一個警示市場，市場對加息嘅承受能力唔係單睇就業、經濟數據，聯儲局都會考慮銀行體系風險，因此，如果夾埋嚟睇，估計加息周期已去到尾聲。