【專家分析】瑞信出事歐央行照加息0.5厘因為...

【Now財經台】市場噚日仍估計歐洲央行加息0.5厘嘅機會唔夠20%，但行長拉加德最終「有找數」，兌現加息0.5厘嘅承諾，繼續堅持遏通脹，拉加德又強調，歐洲銀行資本及流動性比2008年明顯強勁，但未有預測未來嘅加息路徑，歐元及多國嘅國債息喺公布議息結果後上升，歐央行繼續加息0.5厘，係咪同瑞士央行出手救瑞信有關？對聯儲局下周議息有冇啟示？

博威環球資產管理金融首席分析師聶振邦指，依家嘅報道係指瑞信嘅會計帳目有1個問題，導致2019年以後嘅帳目要重新審計，但資金缺口就冇相關消息，所以歐洲銀行體系仍處於一個平均狀況，令歐央行有空間維持一個較大嘅加息幅度。聶Sir又話，通脹方面，如果目標係通脹率要回落到2%水平，保守估計要2025年先可以達標。