【槓桿致勝】滙控淡倉有得諗但要留意...

【Now財經台】滙豐控股(00005)噚日宣布以1英鎊收購矽谷銀行(SVB)英國業務，今朝係拖低大市元兇之一，1月以嚟仲有幾個上升裂口未補返，滙控淡倉博唔博得過？如果想進取啲，收回價約60元嘅熊證有冇得諗？

中薇證券研究部執行董事黃偉豪指，聯儲局減息機會唔大，局方亦唔會因個別銀行爆煲、倒閉，改變利率政策方向，仍然係視乎通脹走向，依家炒減息或放慢加息步伐，都係投資者個人判斷，因而影響銀行股氣氛。

Ravi又話，滙控用1英鎊收購返SVB英國業務，表面睇似乎好著數，但關鍵係當中嘅注資、債務等帶嚟嘅影響，加上歐美業務做得唔好，睇返基本因素，滙控暫時都係比較利淡，如果想部署淡倉都可以，但要留意股價有冇機會彈上54元樓上，如果升穿50天線，即55元水平，要考慮先行止蝕。