【專家分析】SVB事件會否火燒連環船？

【Now財經台】矽谷銀行(SVB)及Signature Bank倒閉後，道指連跌第5日，而美國2年期國債息錄得逾30年以來最大跌幅，主要係市場憂慮美國銀行業出現系統性風險，SVB係咪單一事件？其他地區性銀行有冇爆煲風險？

高富金融集團投資總監梁偉民指，SVB處理資產嘅方法唔正確，買入太多長債，當存戶要攞錢走，銀行就要焗賣手持嘅長債，加上市況唔理想，錄得較大虧損，就觸動咗市場神經，令擠提情況加劇。

Wyman又話，對銀行嚟講，擠提係最難解決嘅問題，一旦爆發擠提事件，而且持續發酵，其他銀行都可能面對相同風險。佢續指，美國監管部門為SVB存戶擔保，相信可以穩住市場信心，即使再有幾家銀行出現擠提情況，造成結構性金融市場動盪嘅風險仍然較小。