【專家分析】丘鈦失議價能力？

【Now財經台】丘鈦科技(01478)中午公布全年業績，收入按年跌26%，純利按年大幅倒退80%，不派息，業績差主要係旗下產品價量齊跌，攝像模組去年出貨量及均價跌逾12%，指紋識別模組出貨微跌，但均價大跌逾34%，拖累毛利率大跌69%至3.9%，出貨已經少咗，仲要減價，公司幾乎都冇晒議價能力。

元宇證券投資總監林嘉麒指，丘鈦情況最係幾惡劣，毛利率好少跌到咁低，的確反映公司幾乎冇晒議價能力，但去年有啲特別，尤其第4季特別受疫情影響，加上丘鈦嘅產品唔係高端類別，所以毛利率唔係特別高，因此，公司其實面對仍未升級轉型嘅情況。KK又話，市場亦會諗，去年可能係跌到去谷底，今年有機會好轉，所以丘鈦股價某程度上已經有溢價。