【名家給力場】僑雄借收購…

【Now財經台】僑雄國際(00381)公布，旗下附屬收購目標公司49%股權，涉及4575萬元，會透過發新股及可換股債券(CB)支付。賣方為喺內地做食品及飲品業超過20年嘅公司，今次出售嘅係做食品及飲料研發、生產及營銷嘅公司。集團現金有逾7000萬，有現金可支付但都要發股及CB，係咪要引入新主，想借殼上市？

《香港股票財技密碼》作者梁杰文指，公司帳面上有充足現金，今次收購1元都唔使出，全部透過發新股及可換股債券支付。大量發行新股及可換股債券亦會影響公司現有股權架構，即使唔睇可換股債券，1500萬元嘅新股已經足夠令公司突然多咗一個持股量逾20%嘅大股東，加上目標公司同僑雄國際本身做開嘅業務無關，業務上重大嘅變化，加上公司多咗一個大股東，唔多唔少都有啲借殼上市嘅意思。