【期匯決算】金價跌穿1800美元可博反彈？

【Now財經台】金價近日跌勢喘定，連同美匯指數呈橫行格局，現貨金價暫時守住每盎司1810美元嘅今年低位。不過，有「新債王」之稱嘅獨立投資者岡拉克認為，金價已跌至非常吸引水平，佢又話，即使聯儲局3月加息0.5厘，1800美元水平仍然係黃金嘅買入訊號，若金價下試呢個水平，係咪可以買入博反彈？

艾德金融董事熊俊傑指，知名投資者當然有靚仔嘅投資成績表，但佢哋嘅持倉能力遠高於散戶，因此，接唔接納佢哋嘅意見要自己衡量。佢又話，現貨金價有機會見1790美元水平，但相信跌到呢個位會有一定支持，即使聯儲局進取地加息，亦未必可以將美元推到好高。

Ken又話，若金價上到1814美元水平，可博短線反彈，如果想保守啲，可以等升至1846美元或以上才買入。