【FINTERVIEW】中國GDP第2季發力向上？

【Now財經台】雖然美國多個通脹指標持續放緩，但就業市場持續強勁，美國舊年12月職位空缺量出乎市場預期增加，亦係5個月以來最多，另一方面，中國重開仍是全球通脹風險所在，點睇呢個兩可能令通脹再度升溫嘅風險因素？

富邦銀行(香港)投資策略及研究部主管潘國光指，美國就業情況方面，非農就業數據聽晚就會出爐，而前晚已出咗，有「小非農」嘅ADP都差咗，當然，美國就業情況仍然唔錯，失業率亦比較低，所以，依家嘅就業市場情況唔容許聯儲局放軟手腳。

內地方面，潘國光認為，今季復常進度都未會咁快，估計第1季GDP同舊年第4季差唔多，相信要到2月、3月，等整個中國疫情高峰過去，第2季GDP就會上返5%至6%，呢個係唔少大行嘅預測。