【名家給力場】港股宜做上落市操作兼減磅(上)

【Now財經台】恒指過去2個月跑贏好多資產，內地放完農曆新年長假後復市，雖然北水重臨，但頭兩日都係沽貨，今日就稍為喘定返，但港股其實升咗唔少，呢兩日嘅回調可能係短線健康調整，港股後市又會點走？

「股市漁夫」創辦人莊志雄指，如果以低位計，恒指喺兩個幾月已升超過50%，所以唔應該再追貨，雖然恒指係全球股市中做得最好嘅指數，即使市況冇問題，都最好等回調先再加倉，因為睇返個別股份，尤其係指數成分股，好多股份嘅蟹貨仲未消化晒，今次恒指升得咁勁，的確係超預期，Lewis又話，舊年第4季已經講過唔好睇淡港股，而今年1月表現係較預期好，但佢認為，操作上仍當上落市咁做，可以喺低位或散戶比較悲觀時加多啲貨，依家咁多人話牛市重臨，反而就要減持，唔好畀情緒牽動得太緊要，因為今年仲有好多變數。