【財經TOP SEARCH】買騰訊可以吼呢個位…

【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、小米集團(01810)、舜宇光學(02382)、比亞迪股份(01211)、友邦保險(01299)。

騰訊連續第2日位居榜首，雖然北水重臨，但騰訊成為沽貨目標，噚日沽咗超過36億元貨，究竟仲要捱幾耐？其實投資者獲利回套係好正常，但幅度應該點量度？估值方面又點評估？

資深證券分析師彭偉新指，其實騰訊股價升咗好多，睇返舊年，喺10月係沽過龍，加上內地對成個行業都有嚴密監管，但今年再出現類似情況機會唔大，因為已復批遊戲版號，加上中央表明撐平台經濟，佢估計，騰訊股價仲未見頂。

Castor又話，雖然騰訊股價已累積唔少升幅，觸發北水先行獲利，但當中有較多資金係做長線部署，認為今輪跌勢純粹係股價回調，短期而言，如果可以企穩20天線水平，可以考慮再買入。