【專家分析】騰訊已超買 有冇基本面撐？

【Now財經台】「股王」騰訊控股(00700)今朝一開市就重上400蚊關口，衝上近1年高位，午後更收復埋南非大股東Naspers喺2018年首度減持價，即405元，收市報406.8元，升逾3%，但技術上已超買，相對強弱指數(RSI)已升至超過80水平。

股份本身冇特別消息，資金繼續炒監管鬆綁，同埋有遊戲獲批版號，除咗呢兩個因素，耀才證券研究部總監植耀輝表示，騰訊最近抽升有大成交配合，認為或有唔少基金去年因為睇淡內地經濟而拋售股份，待內地復常消息刺激科技板塊後，再次追入騰訊。

睇返基本面，Stanley指出，騰訊微信視頻號獲大行普遍睇好，但集團近排業績唔算好，好多業務進入瓶頸期，要等到3月底，出咗舊年第4季及全年業績，先知係咪真係有利好。