【專家分析】炒芯片股要識睇...

【Now財經台】去年底傳出內地擬成立萬億發展基金，撐國產晶片業發展，不過，今個月初再傳出計劃可能有變，事實上，晶片業前景好視乎中央有冇實際財政支援，內地芯片技術至今仍未能追上海外市場，未來發展前景及步伐會係點？

獨立股評人譚智樂認為，國家扶持一定會有，但市傳嘅萬億發展基金規模實在太大，因為資源配置未必只集中喺芯片業，其他行業亦急需資金援助，芯片業面對美國制裁，未來幾年應該冇可能趕上外國技術水平，值得留意係，隨著中央放寬防疫政策，行業供應鏈會有改善，芯片荒問題有望紓緩，但對於技術水平相對較低嘅芯片製造商，就可能變成利淡消息，因為會出現產能過剩問題。

Arnold又指，短線而言，芯片股缺乏利好因素，走勢都會係反反覆覆，國家扶持因素係利好中長線走勢，投資者需要分清楚投資時間點。