【專家分析】中海油服升到呢個位止步

【Now財經台】中石化油服(01033)及中海油田服務(02883)近日都發咗盈喜，前者預告去年多賺1.5倍，後者亦估計多賺近7倍，但油服股今日普遍跑輸。油服市場同原油需求息息相關，市場預期內地經濟今年會重啟及復甦，喺呢個大前提下，原油需求嘅預期會係點？

安里證券研究部主管陳鳳珠預期，今年原油需求將持續增加，尤其歐洲等市場供應仍然緊張，雖然外圍經濟有機會陷入衰退，但喺內地或全球需求帶動下，將推動油服設備嘅需求增長。佢又認為，油價今年有機會進行整固，平均價格或略為遜色，值得留意係，油企及油服企業支本開支都定喺高水平，反映對未來銷售及需求都有信心。

至於中海油服股價，陳鳳珠指，雖然舊年走勢較為反覆，但都係呈一個上升趨勢，今年目標價唔會定得太高，若盈利可持續增長，估計升至11、12元水平應行人止步。