【FINTERVIEW】點解讀內地通脹數據分歧？

【Now財經台】內地上月通脹1.8%，符合預期，工業生產者出廠價格指數PPI就連跌3個月，按年跌0.7%，跌幅大過預期，市場應該點解讀？

光銀國際董事總經理兼研究部主管林樵基認為，上月通脹數字未完全反映內地防疫政策轉變嘅影響，預料2月農曆年假後經濟活動才會增多。

Benny亦預期，今季PPI會繼續疲弱，因為舊年下半年起大宗商品價格回落，全球商品需求較弱，令內地廠商難叫高出廠價格，估計唔少工廠會透過期貨交易對沖商品價格回落嘅損失，相信今年成本控制做得較好，配合去年同期嘅高基數，今年內PPI較難有高增幅。

不過佢話，CPI一般較PPI滯後6至9個月，不過過分擔心CPI會俾PPI拖低，繼續看好次季經濟表現。