【FINTERVIEW】炒通關概念零售股吼…

【Now財經台】噚日內地通關第一日，恒點今日早段升幅已經有400點，復常憧憬對港股幫助係咪真係咁勁？

招銀國際研究部策略師蘇沛豐指，通關後本港直接受惠股份，例如餐飲股或零售股，嚟緊會有多啲資金炒作。佢提醒要考慮返基本因素，例如珠寶零售業本身大部分收入嚟自內地，即使內地客多返，盈利升幅都未必好大。而且零售商租金壓力隨住復常會上升，所以通關對零售股唔係完全利好。如果呢一排股價再被夾高，投資者有機會趁好消息出貨。

Daniel又話，想穩健啲可以部署啤酒股，因為需求穩定，而目之前股價升幅未係咁顯著。佢預計啤酒股除咗受惠防疫政策放寬，品牌高端化會提升產品均價及毛利率。至於火鍋股就要小心有獲利回吐。