【FINTERVIEW】內地經濟明年第2季有望回暖

【Now財經台】雖然內地已大幅度放寬防疫限制，不過，市場預期，12月及第4季零售數據仍然疲弱，到底呢段期間內地居民嘅消費情況如何？內地經濟明年第1季會唔會復甦？

富邦銀行(香港)投資策略及研究部主管潘國光指，內地自10月後不斷放寬防疫，而支持內房嘅政策亦陸續出台，加埋人民銀行降準，呢啲措施都需時滲透入經濟，不過，內地疫情喺冬季仍處於高水平，導致放寬防疫仲未運行得太暢順，估計直至明年第1季仍會困擾中國經濟。

Vicks估計，內地經濟好大機會喺明年第2或第3季轉強，但經濟數據短期仍然較弱，因為防疫措施已經放寬咗，只要疫情慢慢消退，去到明年第2季，等房地產措施開始見效，樓市穩定落嚟，未埋尾嘅項目完成後，買賣信心回升，相信樓價下跌趨勢就會結束。